28 June 2010

Super Potato Concept သို့ MTZO ပေးသော မွေးနေ့လက်ဆောင်း)

Interior Design နယ်ပယ်တွင် design concept များသည် designer တစ်ချို့၏ ဖန်တီးလုပ်ဆောင်လေ့ရှိသော ပုံစံများဖြင့် ထင်ရှားလာသောအခါ ထို designer များ၏ အမည်နာမများဖြင့် လူသိများလာလေ့ရှိသည်။ ၄င်းတို့အနက် SUPER POTATO DESIGN CONCEPT ဟုဆိုလိုက်လျှင် ဂျပန်နိုင်ငံ၏ ကမ္ဘာကျော် Super Potato Design Firm ၏ ဖန်တီးလေ့ရှိသော ဒီဇိုင်းများကို နှိုင်းယှဉ် မြင်ယောင်ကြပါလိမ့်မည်။ SUPER POTATO DESIGN CONCEPT ကို မွေးဖွားပေးခဲ့သောသူမှာ ဂျပန်နိုင်ငံ၏ နာမည်ကျော် Interior Designer တစ်ဦးဖြစ်သော Takashi Sugimoto (တာကာရှီ ဆူကီမိုတို)ပင် ဖြစ်ပါသည်။

‘My philosophy is never to use expensive things for my designs’

Takashi Sugimoto ၏ ဒီဇိုင်းများသည် ဂျပန်လူမျိုးတို့၏ ရိုးရာဓလေ့များကိုလည်းကောင်း၊ ပထ၀ီ ရေမြေသဘာဝ၏ အရိုးထည်အလှကိုလည်းကောင်း လေးလေးနက်နက် ခံစားပြီး ဖန်တီးလေ့ရှိသည်။ တီထွင် ဖန်တီးထားသော material များထက် သဘာဝ material များဖြင့် ထုကြီးထည်ကြီး ဖန်တီးကာ နေရာတစ်ခုကို အလှဆင်လေ့ရှိသည်။ Takashi Sugimoto ၏ ဒီဇိုင်းများတွင် ရေအိုင် စမ်းချောင်းငယ်များအပေါ် တိုက်ခတ်နေသောလေနှင့် လွင့်ပါးနေသော တိမ်စိုင်များအား လှုပ်ရှားနေသော ပတ်ဝန်းကျင်အတွင်းတို့ ခေါ်ဆောင်လာပြီး ရေမြေသဘာဝ၏ အပြောင်းအလဲ ဖြစ်ပေါ်တတ်ပုံကို ခံစားနိုင်သည်။ ကျွန်တော်တို့ နေထိုင်မည့် space တစ်ခုအတွင်း သဘာဝတရား၏ အပြောင်းအလဲတစ်ချို့ကို ခံစားသွားစေရန် ဖန်တီးလိုခြင်းကို သူ၏ Super Potato Concept တွင် မြင်တွေ့နိုင်ပါသည်။ ရေထု၊ တိမ်စိုင်၊ အလင်းတန်းများနှင့် ခံစားနိုင်သော လေလှိုင်းသံများသည် တည်ငြိမ်စွာဖြင့် ရုပ်လုံးကြွဟန် ဖော်ဆောင်နေတတ်သည်။ ထို့အတွက် သူသည် သဘာဝ material များကို အသုံးပြုလေ့ရှိတတ်သည်။ 1973 ခုနှစ်တွင် မွေးဖွားခဲ့သော သူ၏ Super Potato Design Firm သည် 1984 နှင့် 1985 ခုနှစ်တွင် နှစ်နှစ်ဆက်တိုက် Mainichi Design Award ဆုကို ရရှိခဲ့ပါသည်။

Grand Hyatt Guangzhou

Takashi က သူ မွေးဖွားခဲ့တဲ့ Potato အကြောင်းကို ယခုလို ရှင်းပြထားပါသည်။ သူ၏ ဒီဇိုင်းများတွင် အများအားဖြင့် တည်ငြိမ် ခန့်ညားသော texture များအား ရွေးချယ်လေ့ ရှိသကဲ့သို့ အမြင်ခံစားမှုတွင် အရိုင်းထည်ဆန်သော material များဖြင့် ထုထည်များအား အလွှာလိုက်၊ အတိုင်းအတာ အနက်တစ်ခုအထိ ရောက်အောင်လည်း ဖန်တီးတတ်သည်။ ထို့အပြင် ထူးခြားဆန်းပြားသော, အရောင်အသွေး စုံစုံနှင့် စွဲကြိုက် နှစ်သက်ဖွယ်ကောင်းသော ပစ္စည်းများအား အသုံးပြု၍ အချိန်တစ်ခု အကြာတွင် ရိုးအီသွားခြင်းမရှိအောင် အရိုးဆုံးပုံစံဖြင့် အမြဲဆန်းသစ်အောင် ဖန်တီးလေ့ရှိသည်။ အများအားဖြင့် နေ့စဉ်ဘ၀တွင် မြင့်လေ့မြင်ထရှိသော သဘာဝ ပစ္စည်းများဖြင့် ဖန်တီးလေ့ရှိပြီး ဆန်းသစ်လှပသော အချိုးအဆများထက် ရိုးရှင်းသောအတွေးဖြင့် ပေးလိုသော အချိုးအဆစ်ကို စနစ်တကျ ဖန်တီးခြင်းတတ်သည်။ အထူးသဖြင့် ကျောက်တုံးကျောက်ခဲများနှင့် ဖန်, မှန်ထုများအား နီးကပ်စွာ ထားရှိ၍ သိသာထင်ရှား ကွဲပြားခြားနားသော ခံစားမှုကို ပေးလေ့ရှိသည်။ သူဖန်တီးလေ့ရှိသော ဒီဇိုင်းများအတွင်း ရောက်ရှိသွားသောအခါ အများအားဖြင့် စိတ်ကူးဥာဏ်အတွေးတို့ ဆန်းသစ်ပွင့်လန်းလာခြင်းကို ခံစားရလေ့ရှိသည်။ ရိုးရှင်းသော ဒီဇိုင်းဖန်တီးမှုအပေါ် ကွဲပြားသော အတွေးအမြင်များဖြင့် ခံစားသူများ အချင်းချင်း နွေးထွေးသော ရင်းနှီးကျွမ်းဝင်မှုများကို ရရှိစေသည်။

သူသည် အလင်း၏ အ၀င်အထွက် အတိုးအလျော့ အမှိန်အဖျော့ ကို ဒီဇိုင်းတစ်ခု၏ အနေအထားအလိုက်၊ ခံစားမှုအလိုက် အသုံးပြုလေ့ရှိသည်။ ထို့အတွက် သူဖန်တီးသော space လေးများသည် ရိုးရိုးရှင်းရှင်းဖြင့် အတွေးဘ၀င်ငြိတွယ်ဖွယ်၊ ချစ်ခင်တိမ်းမူးဖွယ် ဖြစ်လာပြီး အချို့သည် အနေအထားအလိုက် အံ့သြဘနန်း ဆန်းကြယ်ခန့်ညားလာလေ့ရှိသည်။

Material တစ်ချို့သည် တန်ဖိုးမြင့်မည်၊ တစ်ချို့သည် တန်ဖိုးနိမ့်မည်၊ တစ်ချို့သည် အသုံးဝင်သည့်အတွက် အသုံးပြုသည်၊ တစ်ချို့သည် အလှဆင်ဖို့အတွက် အသုံးပြုသည်။ စင်စစ်အားဖြင့် interior အခန်းတစ်ခုအတွင်း အသုံးပြုထားသော material များသည် အချိန်တစ်ခု၏ အဓိပ္ပါယ်ကို ပြဆိုတတ်ကြသည်။ ထို အထဲမှ Takashi သည် ဈေးသက်သက်သာသာဖြင့် ရရှိနိုင်သော၊ အချိန်အခါအလိုက် တန်ဖိုး မပြောင်းလဲသော material များကို အထူးတလည် အသုံးပြုတတ်သူ ဖြစ်သည်။ ထို့အတွက် သူဖန်တီးသော ဒီဇိုင်းများအား ယနေ့ ခံစားမှု နှင့် နောက်တစ်နေ့ ခံစားမှုတို့အကြား အကွာအဟ နည်းလေ့ ရှိသည်။ ထိုအရာသည်ပင် သူ၏ ဒီဇိုင်းများ၊ သူ၏ ဖန်တီးမှုများ၏ ထင်ရှားကျော်ကြားမှုတစ်မျိုး ဖြစ်လာသည်။

[ စကားချပ်။…..။ MTZO ပေးတဲ့ မွေးနေ့လက်ဆောင်က ကြီးလွန်းလို့ ချက်ချင်း မတင်နိုင်ခဲ့ပါဖူး။ အခုမှပဲ back date နဲ့ အဲ့ဒီ present ကြီးကို တင်လိုက်နိုင်ပါတယ်….။ :P :P Mood Image လေးတွေ အားလုံးကတော့ MTZO ရဲ့ အားထုတ်မှုပါပဲ :D.... ]

2 comments:

designer said...

တန်ဖိုးရှိတဲ့ ဒီဇိုင်းဖန်တီးချက် ဗဟုသုတတွေပါ ညီမရေ...
အောင်မြင်တဲ့ designer ကောင်းဖြစ်ပါစေကွယ်...

MTZO said...

အခက်အခဲအားလုံးကို ကျော်လွှားနိုင်ပါစေ ညီမငယ်။ :)