19 July 2010

မကြောက်တရားများ ပေးပါ မေမေ

မေမေ
ဘ၀က စမ်းသပ်ကွင်းတစ်ခုထဲ ပြန်ပြန်ရောက်သွားတယ်
ကစားပွဲတိုင်းလည်း ကျွန်တော်က အရှုံးတွေ သိပ်များတယ်
အဆုံးမှာ ဒဏ်ရာဆိုတာ ကျွန်တော့်ရဲ့ အမှတ်အသားတစ်ခုပေါ့
အခါခါ ပြန်လည် ကျဆုံးတိုင်း အသစ်ပြန်လည်နိုးထနေရတာ
ကျွန်တော့် ရှင်သန်မှုမှာ ကျွန်တော့်ရဲ့ ပင်ကိုယ်ဖြစ်မှုတွေ ပျောက်ဆုံးကုန်ပြီ
မေမေရယ်
ဒီတစ်ခါလည်း ကျွန်တော်
စမ်းသပ်ကွင်းတစ်ခုထဲ ပြန်ရောက်နေပြန်ပြီလေ…..။

မေမေ
ကျွန်တော် ဒီတစ်ခါရော အောင်နိုင်ပါ့မလား
ကျွန်တော် သိပ်ကြောက်နေတယ်
ကျွန်တော့်ရှေ့က စမ်းသပ်ကွင်းကြီးကို ကြောက်တာ မဟုတ်ပါဖူး
ဘယ်ခါမှ မနိုင်ခဲ့တဲ့ ဒီလိုအချိန်က ဒဏ်ရာတွေကိုပါ
Tilte တွေကတော့ ပြောင်းပြောင်းလာခဲ့တယ် မေမေရယ်
ခံစားလိုက်ရတဲ့ ရင်ဘတ်ကြီးတစ်ခုလုံးကတော့ အဟောင်းအတိုင်းပဲ
စိုးကြောက်နေတုန်း….။

မေမေ
နံနက်ခင်းတွေက တံခါးခေါက်ပြန်ပြီ
မကြောက်တရားတွေနဲ့ နိုးထခြင်းတွေကိုသာ ပေးသနားပါ မေမေရယ်
နောင်တစ်နေ့ ကျွန်တော် အိမ်ပြန်လာတဲ့အခါ
ကိုယ့်ကိုယ်ကို ယုံကြည်မှုတွေ အပြည့်သယ်လာခဲ့ပါမယ်
ထုပ်ပိုးသယ်လာတဲ့ မေမေ့အတွက် လက်ဆောင်ဟာ
ကျွန်တော်ရဲ့ ခိုင်မာတဲ့ စိတ်ဓါတ်တစ်ခုနဲ့ရွာသွန်းမယ့် မိုးတိမ်တစ်ခု အဖြစ်ပေါ့
အဲ့ဒီမိုးတိမ်ဟာ ကျွန်တော့်အတွက် စစ်မှန်တဲ့ မျှော်လင့်ချက်တွေ
ထွန်းလင်းထားတဲ့တစ်နေရာတော့ ဖြစ်ပါစေ မေမေရယ်

မေမေရယ်
ဒီတစ်ခါလည်း ကျွန်တော်
စမ်းသပ်ကွင်းတစ်ခုထဲ ပြန်ရောက်နေပြန်ပြီလေ…..။


(စကားချပ်။ ။ “ဘ၀” ဆိုတာ တိုက်ပွဲတစ်ခုတဲ့….။ အမှန်တကယ်က တိုက်ပွဲကြီးကြီးတွေရော တိုက်ပွဲ သေးသေးလေးတွေရော အများကြီး ပါဝင်ပါတယ်….။ ကာယ၊ ဥာဏ အားတွေနဲ့ အပြင် ကံတရားဆိုတဲ့ အလိုက်ကမ်းဆိုး မသိတတ်တဲ့ အရာတစ်ခုနဲ့လည်း တစ်ခရီးတည်း အတူ ထွက်နေရတတ်တာ ဘ၀ပါ…။ တစ်ကွေ့ပြီး တစ်ကွေ့သွားရင်းနဲ့ ဘ၀ရဲ့ မိုင်တိုင်မှတ်မှုတွေမှာ စိတ်လောင်စာတွေ အနည်းငယ် ယိုင်နဲ့ခဲ့ပြီဆို အများအားဖြင့် မေမေကို တမ်းတမိတတ်ကြသည် ထင်သည်….။ မေမေဆိုတာ ရှေ့မှာ ရင်ဆိုင်ရမယ့် တိုက်ပွဲအတွက် ဒိုင်းတစ်ခု လှံတစ်ခုအဖြစ် လာပြီး မရပ်တည်နိုင်ပေမယ့် ဖြတ်ကျော်ဖို့ ခွန်အား တစ်ပိုင်းတစ်စတော့ ပေးစွမ်းနိုင်သည်လား….။ သေချာတာကတော့ ကျွန်တော့်အတွက် မေမေဆိုတာ ဒိုင်းလည်း မဟုတ် လှံလည်း မဟုတ်ပေမယ့် ကျွန်တော် သူမကို မျှော်ကြည့်လိုက်တိုင်း ကျွန်တော့်ရင်ထဲ နွေးနေခဲ့တယ်….။)

1 comment:

မိုးခါး said...

ကဗျာလေး ကြိုက်တယ်
အားနဲ့ မာန်နဲ့ အားတင်းထားပုံလေးး)

နောင်တစ်နေ့ ကျွန်တော် အိမ်ပြန်လာတဲ့အခါ
ကိုယ့်ကိုယ်ကို ယုံကြည်မှုတွေ အပြည့်သယ်လာခဲ့ပါမယ်
ထုပ်ပိုးသယ်လာတဲ့ မေမေ့အတွက် လက်ဆောင်ဟာ
ကျွန်တော်ရဲ့ ခိုင်မာတဲ့ စိတ်ဓါတ်တစ်ခုနဲ့ရွာသွန်းမယ့် မိုးတိမ်တစ်ခု အဖြစ်ပေါ့

ချစ်တဲ့ မေမေ့အတွက် အေးမြကြည်လင်တဲ့မိုးရေတွေ ရွာသွန်းဖြိုးပေးမယ့် မိုးတိမ်လေး ဖြစ်ပါစေ ..း))
ယုံကြည်မှုသာရှိရင် အရာရာကျော်လွှားနိုင်မှာပါ
း)