15 August 2011

အိမ် မဟုတ်တဲ့ နားနေဆောင်လေးတွေ...။


နေရာ၊ ဒေသ၊ ဘာသာ၊ လူမျိုး၊ ယဉ်ကျေးမှု အမျိုးမျိုး ပေါ်မူတည်၍ အိမ် မဟုတ်သော နားနေဆောင်လေးတွေ ကျွန်တော်တို့၏ ပတ်ဝန်းကျင်တွင် ကွဲပြားခြားနားစွာ တည်ရှိနေတတ်သည်။ တည်ဆောက်ပုံတွေ ကွဲပြားသည်။ တည်ရှိရသော ရည်ရွယ်ချက်တွေ ခြားနားသည်။ ဖြစ်ပေါ်လာတဲ့ အကြောင်းအရင်းတွေ မတူညီကြ။ ပတ်ဝန်းကျင်မှာတော့ အိမ် မဟုတ်သော နားနေဆောင်လေးတွေ အမျိုးမျိုး ရှိနေတတ်ပါသည်။ ထို အိမ် မဟုတ်တဲ့ နေရာလေးတွေအပေါ် လိုက်ပါ ခံစားကြည့်မိသည်။ မတူညီသော ယဉ်ကျေးမှု၊ မတူညီသော ဓလေ့စရိုက်များနှင့်အတူ ခံစားချက်တွေလည်း အမျိုးမျိုး ပြောင်းလဲလာရသည်။ မြန်မာတို့၏ ဇရပ်ဆောင်လေးများ၊ ထိုင်း လူမျိုးတို့၏ Sala များ၊ တရုတ်နှင့် ဂျပန်ရိုးရာ နားနေဆောင်များ အစရှိသဖြင့် အနီးတစ်ဝိုက်တွင် တည်ရှိ နေတတ်သော အိမ်ကလေးများအပေါ် စိတ်ကူးတစ်ချို့ ရွက်လွင့်နေမိသည်။

_x_x_x_x_x_x_x_x_x_x_x_x_x_x_x_

မြန်မာနိုင်ငံ တစ်နံတစ်လျားတွင် ဇရပ် လေးတွေ အမျိုးမျိုးကို ပုံသဏ္ဌာန် အမျိုးမျိုးနင့် တွေ့မြင်နိုင်သည်။ တစ်ချို့က ထည်ထည်ဝါဝါ။ တစ်ချို့က လေးတိုင်စင်လေးနှင့် ရိုးရိုးစင်းစင်း။ ရှေးခေတ်ကာလက တည်းခိုခန်း၊ ဟိုတယ်၊ မိုတယ်တွေမရှိ။ ဇရပ်ကလေးများသည် ခရီးသွားများအတွက် လမ်းတစ်ထောက်မှာ ကွန်းထောက်နားခိုရာ။ အမောဖြေ အပန်းပြေ နားခိုရာ။ ဇရပ်ကလေးများတွင် ခရီးသွားများသည်သာမက၊ ရွာသူရွာသား တစ်ချို့သည်လည်း ရပ်ရေးရွာရေး ဝိုင်းထိုင် ဆွေးနွေးလေ့ရှိသည်။ တစ်ချို့ ဇရပ်ကလေးများသည် ရပ်ကွက် ကျေးရွာ ဘုန်းတော်ကြီးကျောင်းများ၏ အနီးတစ်ဝိုက်တွင် တည်ရှိတတ်ပြီး တစ်ချို့ ဇရပ်ကလေးများသည် မြို့စွန်ရွာဖျား လူနေအိမ်အဝေးတွင် တည်ရှိတတ်သည်။ အချို့ဇရပ်များသည် ခရီးသွားများအတွက်ဖြစ်သည်။ အချို့ဇရပ်များသည် သူတော်စင်၊ ရသေ့၊ သံဃာများ အတွက် ဖြစ်သည်။ ရှေးယခင်က အိုးခွက်၊ စားနပ်ရိက္ခာနှင့် ဆေးဝါးပါ အပြည့်အစုံ ထားပေးထားသော စတုဒိသာဇရပ်ကြီးများလည်း ရှိသေးသည်။ တစ်ဦးတစ်ယောက်ပိုင် အိမ်တော့မဟုတ်။ မည်သူမဆို နားနေနိုင်သည်။ တည်းခိုနိုင်သည်။ အနိမ့်အမြင့် အယုတ်အလတ် ခွဲခြားထားခြင်း အလျဉ်းမရှိ။ ထို့ကြောင့် အနောက်တိုင်းသားများက မြန်မာလူမျိုးများ၏ ဇရပ်များကို အာရှ၏ဟိုတယ်များ ဟု တင်စားရေးဖွဲ့ မှတ်တမ်းတင်လေ့ ရှိကြသည်။ ယနေ့ခေတ်တွင်တော့ စတုဒိသာဇရပ်ကြီးများ ကွယ်ပျောက်လုနီးပါး ဖြစ်ခဲ့လေပြီ။



ခရီးသွားတို့အတွက် မဟုတ်သော ဇရပ်များလည်း ရှိသေးကြောင်း ဖတ်ရှုဖူးသည်။ ဘုန်းတော်ကြီးကျောင်းများတွင် သံဃာတို့အတွက် ကျောင်းပေါ်သို့မတက်ဘဲ၊ လွတ်လပ်စွာ ပြောဆိုနေထိုင်ပြီး သီလခံယူဆောက်တည်နိုင်ရန် ရည်ရွယ်ဆောက်လုပ်သော ဥပုသ်ဇရပ်များဟု ဆိုကြသည်။ ထို့ပြင် ရဟန်းသံဃာများ စာပြန်ပွဲကဲ့သို့သော အခမ်းအနားများ ပြုလုပ်သော ကျယ်ဝန်းလှသည့် သုဓမ္မာဇရပ်ကြီးများလည်း ရှိသေးသည်။ ထိုသို့သော ဇရပ်အမျိုးအစားများထဲမှ သုဓမ္မာ ဇရပ်များကို မန္တလေး တောင်ခြေတွင် ယနေ့တိုင် တွေ့မြင်နိုင်သေးသည်။ အချို့ဇရပ်များမှာ စစ်ဘေးစစ်ဒဏ်ဖြင့် သော်လည်းကောင်း၊ မီးဘေးလေဘေးတို့ဖြင့် သော်လည်းကောင်း ပျက်စီးခဲ့ကြလေပြီ။ ထိုဘေးဒုက္ခများမှ လွတ်ကျန် ခဲ့လျှင်ပင် သက်တမ်း တစ်ခုအပြီး ပျက်စီးယိုယွင်း ပျောက်ဆုံး၍ သော်လည်းကောင်း၊ အခြား အဆောက်အဦးများက အစားထိုး နေရာယူသွားကြ၍ သော်လည်းကောင်း အတွေ့ရ နည်းပါးလာပြီ ထင်သည်။

ဇရပ်လေးများနှင့်အတူ ပျောက်ကွယ်လုနီးပါး ဖြစ်လာသည်မှာ ရေအိုးစင်လေးများပင် ဖြစ်မည်။ ရေအိုး ဒါဇင်ဝက်ခန့်ပါဝင်သော ဘုရားစင်-နတ်စင်သဏ္ဌာန် အဆင့်မြင့် ရေအိုးစင်ကြီးများ၊ ပျဉ် (သို့မဟုတ်) သွပ်ပြား အမိုးစွန်းများဖြင့် သုံးဖတ်ပိတ် တစ်ဖက်ပွင့် ရေအိုးစင်လေးများ၊ အရိပ်ကောင်းကောင်း သစ်ပင်ကြီးကြီးတို့၏ ကိုင်းတွင် တန်းခေါက်ကြိုးဖြင့် သိုင်းချိတ်ဆွဲ၍ မြေအိုးဖုံး, အုန်းမှုတ်ခွက်ရေမှုတ်နှင့် ရေအိုးစင်လေးများ စသည်တို့၏ နေရာတွင် ပလပ်စတစ် ရေဘူးကြီးများက နေရာယူလာလေပြီ။ တိုးတက်မှုကို ဝမ်းသာရမည်လား။ ပျောက်ကွယ်မှု တစ်ချို့အတွက် ဝမ်းနည်းရမည်လား မသိ။ ခေတ်သည် တိုးတက်ခြင်းကို ပြဖို့ရာ စတေးရတာတွေ များလွန်းလှသည်လား။


စင်စစ် ဇရပ်ဆောင်လေးများနှင့် ရေချမ်းစင်လေးများသည် မြန်မာ့ ယဉ်ကျေးမှု၊ မြန်မာ့ ထုံးတမ်းဓလေ့ အစဉ်အလာတို့ကိုသာ ဖော်ပြသည်မဟုတ်၊ ဗုဒ္ဓဘာသာဝင်တို့၏ အလှူဒါနအပေါ် သက်ဝင်ယုံကြည်မှု တစ်ချို့ကိုလည်း ဖော်ပြခြင်းတစ်မျိုး ဖြစ်သည်။ အိမ်မဟုတ်သည့် နားနေဆောင်လေးများသည် မြန်မာနိုင်ငံတွင် ဗုဒ္ဓဘာသာ မြန်မာလူမျိုးတို့ လှူဒါန်းထားသော ဇရပ်များအဖြစ်သာမဟုတ်၊ အခြားဘာသာဝင်တို့၏ အဆောက်အဦးလေးများ အဖြစ်လည်း တည်ရှိနေသေးသည်။ အထူးသဖြင့် ချင်းပြည်နယ်သို့သွားရာ ကားလမ်း တစ်လျှောက်တွင်တော့ တွေ့ရမည် ထင်ပါသည်။ လမ်းပန်းဆက်သွယ်ရေး ခက်ခဲသော ချင်းပြည်နယ်သွား ကားလမ်းတစ်လျှောက်တွင် ခရီးသွားများ အကြောင်းကိစ္စ တစ်စုံတစ်ရာကြောင့် လမ်းခရီးတွင် ဥာဥ့်အိပ် ရပ်နားရသောအခါတွင် အဆင်ပြေ လွယ်ကူစေရန်အတွက် ခရစ်ယာန်ဘာသာဝင်တစ်ချို့က အိမ်ကလေးများကို ဆောက်ပေးထားခြင်းဖြစ်သည်။ မြေပြန့်ဒေသမှ ဇရပ်ဆောင်လေးများနှင့် သဘောသဘာဝ အတူတူပင်ဖြစ်ပေမည်။


မြန်မာနိုင်ငံတွင်ရှိသော အိမ် မဟုတ်သော နားနေဆောင်လေးတွေသည် ဘာသာတရားအပေါ် အခြေတည်၍ ပေါ်ပေါက်လာသည်ထင်သည်။ အသွင်ပုံစံတွေ ကွဲပြားသော်လည်း မြန်မာတို့၏ ချစ်စရာဓလေ့အရ တည်ဆောက်ခဲ့သော ရည်ရွယ်ချက်တွေကတော့ တူညီပါသည်။ မသိ၊ မမြင်၊ မခင်မင်သော သူစိမ်းတရံတို့အား လိုအပ်သည့်အချိန်တွင် အရိပ်ကလေးတစ်နေရာ ချွေးသိပ်အပန်းဖြေခွင့်၊ ရေကလေးတစ်မှုတ် လွယ်လင့်တကူ ရရှိစေခွင့် ပေးလိုသောစိတ်ရင်းသည် မြန်မာတို့၏ ကိုယ်ချင်းစာစိတ်နှင့် မေတ္တာတရားကြီးမားပုံကို တစ်ထောင့်တစ်နေရာမှ လှစ်ဟပြနေတတ်သော ပြယုဂ်တစ်ခု ဖြစ်သည်။


ယဉ်ကျေးမှုချင်း ကွဲပြားသော အခြားနိုင်ငံများတွင်လည်း အိမ် မဟုတ်သော နားနေဆောင်လေးများကို နေရာအနှံ့အပြားတွင် တွေ့မြင်နိုင်ပါသည်။ ဘာသာ၊ ဓလေ့စရိုက်များ ခြားနားသည့် အားလျော်စွာ အိမ် မဟုတ်သော နားနေဆောင်လေးများအပေါ် ထားရှိသော သဘောထားများလည်း ကွဲပြားလေသည်။ အများဆုံး တွေ့မြင်နိုင်သော အဆောက်အဦးများမှာ Pavilion များ ဖြစ်ကောင်းဖြစ်ပေမည်။ မြန်မာနိုင်ငံတွင် ထို အဆောက်အဦးများသည် ဘာသာရေးနှင့် စာနာထောက်ထားမှု အစဉ်အလာများတွင် အခြေတည် ဖြစ်ပေါ်လာသော်လည်း အခြားနိုင်ငံများတွင် Landscape Design များနှင့် ယှက်နွယ်ပြီး အခြေတည်လာခဲ့ပါသည်။

Pavilion များသည် အများအားဖြင့် လူနေအိမ် ပတ်ဝန်းကျင်၏ အနီးတစ်ဝိုက်တွင် တွေ့ရှိရပြီး အနားယူ အပန်းဖြေရန်အတွက် သီးခြားတည်ဆောက်ထားသော Gazebo ကဲ့သို့ Free Standing များ ဖြစ်တတ်သည်။ ပုဂ္ဂလိကဆန်သော Pavilion များရှိသကဲ့သို့ အများသုံးဖြစ်သော Pavilion များလည်း ရှိတတ်သည်။ စင်စစ် Gazebo များသည် မိမိကိုယ်ပိုင် ခြံဝန်းကို အလှဆင်မှုတစ်ခု ဖြစ်သကဲ့သို့ အပန်းဖြေ နားခိုရာ နေရာလေးတစ်ခုသာ ဖြစ်သည်။ အိမ် ဆိုတဲ့ အနှစ်သာရတစ်ခုကနေ ခွဲထွက်ပြီး သီးခြားရပ်တည်နေသော Living Area လေးတစ်ခုဟု ဆိုနိုင်မည်ထင်သည်။ လွတ်လပ်ခြင်းဆိုတဲ့ အနှစ်သာရများပါဝင်နေသလို ကိုယ်ပိုင် Privacy တစ်ခုကို အကောင်အထည်ဖော်ထားတဲ့ နေရာလေးဟုလည်း ဆိုနိုင်ပါသည်။ မြန်မာနိုင်ငံတွင်ရှိသော အိမ် မဟုတ်သော နားနေဆောင်လေးများနှင့်တော့ သဘောတရား ကွဲပြားလွန်းလှသည်။ သဘောတရားများ ကွဲပြားသကဲ့သို့ ဖွဲ့စည်းတည်ဆောက်ပုံများလည်း ကွဲပြားလွန်းလှသည်။ Private Garden များနှင့် Public Garden များတွင် တွေ့ရတတ်သော Pavilion များနှင် Gazebo သူတို့၏ သွင်ပြင်ပုံစံကွဲပြားမှုဖြင့် အမျိုးမျိုး ခွဲခြားနိုင်ပါသည်။ အဝိုင်းပုံ၊ လေးထောင့်ပုံ၊ ခြောက်ထောင့်ပုံ၊ ရှစ်ထောင့်ပုံ Pavilion များမှာ တွေ့မြင်နေကြ ပုံစံများဖြစ်သည်။ ယေဘူယျအားဖြင့် သစ်၊ ကျောက်၊ ဝါးဖြင့် ဆောက်လုပ် အသုံးပြုခဲ့ကြပြီး ယနေ့ခေတ်တွင်မူ Steel Structure များနှင့်ပါ တွေ့မြင်နိုင်နေပေပြီ။ ခေါင်မိုးထည်ကို တိုင် (column) များဖြင့်သာ ထောက်မထားပြီး နံရံများ ထည့်လေ့ထည့်ထ မရှိကြချေ။


တရုတ်ရိုးရာနှင့် ဂျပန်ရိုးရာ Pavilion များသည်လည်း ထို့အတူပင်။ အများအားဖြင့် ပတ်ပတ်လည်တွင် နံရံများ ထည့်လေ့ထည့်ထ မရှိကြချေ။ သို့သော် ဘာသာရေးဆိုင်ရာ မြေနေရာ နယ်နမိတ်များ အတွင်းတွင်မူ Pavilion များသည် ပုံသဏ္ဌာန် ကွဲပြားတတ်လေသည်။ ယခုအခါ တရုတ်နှင့် ဂျပန်နိုင်ငံရှိ ပန်းခြံများတွင် Pavilion များအား အရိပ်ခိုရန် ခေတ္တနားနေ အပန်းဖြေရန်အတွက် အများအပြား ဆောက်လုပ်ထားသည်ကို တွေ့ရမည်ဖြစ်သည်။ ရှေးယခင်က Pavilion များ Gazebo များသည် တရုတ် စာပေပညာရှင်များ၊ ကဗျာကဝိများနှင့် ဂီတ အနုပညာရှင်များ၏ အတွေးအခေါ်၊ ခံစားချက်နှင့် ဖန်တီးထားသော ကဗျာ၊ ဂီတ အနုပညာများကို ဖလှယ်ကြရာ နေရာ ဖြစ်ခဲ့ပေမည်။ ဂျပန်လူမျိုးများအတွက်မူ Tea Ceremony များ ကျင်းပရာ နေရာဖြစ်ခဲ့ပေမည်။ မြန်မာ့လက်ဖက်ရည်ကြမ်းဝိုင်း ဝိုင်းဖွဲ့ရာ ကွပ်ပျစ်ဝိုင်းလေးများနှင့် နှိုင်းယှဉ်သုံးသပ်မိတော့လည်း မတူညီသော ယဉ်ကျေးမှုနှင့် သဘောထားများကို တွေ့မြင်မိပါသည်။ ထိုင်းလူမျိုးးများ၏ Open Pavilion တစ်မျိုးဖြစ်သော Sala များသည်ကတော့ မြန်မာ့ဇရပ်များနှင့် အနည်းငယ် ဆင်တူသည် ထင်ရသည်။ Sala များသည် ထိုင်းလူမျိုးများအတွက် အကြောင်းကိစ္စ အစုံစုံကို တွေ့ဆုံဆွေးနွေးရာ၊ နေဒဏ် မိုးဒဏ်မှာ ခိုလှုံရန် လိုအပ်သော သူများအတွက် အရိပ်တစ်နေရာ ပေးသောနေရာ ဖြစ်တတ်သည်။ အများအားဖြင့် ဘာသာရေးဆိုင်ရာ နယ်နမိတ်များတွင် တွေ့ရတတ်သည်။ Sala များကို တည်ဆောက်ခဲ့ကြသော ရည်ရွယ်ချက်သည်လည်း မြန်မာ့ဇရပ်များကို တည်ဆောက်ခဲ့သော ရည်ရွယ်ချက်နှင့် သဘောတရားခြင်း တူညီနေတတ်သည်။

_x_x_x_x_x_x_x_x_x_x_x_x_x_x_x_

အိမ် မဟုတ်သည့် နားနေဆောင်လေးတွေ၏ နောက်ကွယ်တွင် စကားလုံးတွေ များလွန်းလှသည်။ အချိန်တစ်ခု အလွန်မှာပင် လူမျိုးတစ်မျိုး၏ ပထဝိဝင် အနေအထား၊ ရာသီဥတု အခြေအနေ၊ ဘာသာရေး၊ လူမှုရေး၊ စီးပွားရေး အနေအထားအလိုက် အကြောင်းအရာတစ်ခုအပေါ် သဘောထားမှုတွေတောင် ပြောင်းလဲလာတတ်သည်လေ။ ကွဲပြားသော ယဉ်ကျေးမှုမှာ နိုင်ငံတစ်နိုင်ငံနှင့် တစ်နိုင်ငံအကြား တန်ဖိုးထားမှုနှင့် အသုံးပြူမှုတွေလည်း ခြားနားသွားမည်မှာ မထူးဆန်းလှ။ အိမ်ကလေး အချို့ကတော့ အထားအသို ဖွဲ့စည်းပုံတစ်ချို့ ပြောင်းလဲ၍ ကျွန်တော်တို့ ပတ်ဝန်းကျင်မှာ ခေတ်သစ် ယဉ်ကျေးမှုနှင့် အလိုက်အထိုက် ရှင်သန်နေဆဲ။ ထို အိမ်လေးတွေကို ဖန်တီးပေးနေသောသူများသည် သမိုင်းစာမျက်နှာတစ်ခုလုံးကို ကျွန်တော်တို့ ရှေ့မှောက်သို့ ခေါ်ဆောင် လာခဲ့သည်မဟုတ်။ လိုအပ်သလောက်၊ လိုချင်သလောက်၊ လိုလားသလောက် တစ်ပိုင်းတစ်ကဏ္ဍကိုသာ ယှက်ဖြာ ခေါ်ဆောင်လာခဲ့ခြင်း ဖြစ်သည်။

စနစ်တွေလည်း ပြောင်းလဲတတ်ပါသည်။ ခေတ်တွေလည်း ပြောင်းလဲတတ်ပါသည်။ ဖန်တီးမှုတွေလည်း ပြောင်းလဲတတ်ပါသည်။ လက်ခံသည့် သဘောထားတွေလည်း ပြောင်းလဲတတ်ပါသည်။ မည်သည့်အရာတွေက မည်သည့် အတိုင်းအတာအထိ ရှင်သန်၍ ကျန်ခဲ့မည်၊ မည်သည့် အရာတွေကတော့ အချိန်တစ်ခု အလွန်မှာ ပျောက်ကွယ်၍ ကျန်ခဲ့မည်ဆိုသည်မှာ ဖန်တီးသူတွေလည်း ခံစားတတ်ပါမှ၊ လက်ခံမည့်သူတွေလည်း လက်ခံတတ်ပါမှ ဖြစ်ပါမည်။ ပတ်ဝန်းကျင်မှာ ရှိတတ်သော အိမ် မဟုတ်သည့် နားနေဆောင်လေးများ၏ စကားသံကို လှမ်း၍ နားထောင်ကြည့်မိသည်။ ကျွန်တော် နားထောင်မိသည့် အသံနှင့် အခြားသူတစ်ဦး နားထောင်မိသည့် အသံသည် တူညီကောင်း တူညီမည်။ ကွဲပြားကောင်း ကွဲပြားမည်။

အသံများ တိုးလျ ပျောက်ကွယ်သွားမည်လား။ နီးသထက် နီးလာမည်လား....။ ….။

-ဂျွန်မိုးအိမ်-

_x_x_x_x_x_x_x_x_x_x_x_x_x_x_x_

စကားချပ် - ၁ - ။ ။ လိုအပ်သော mood image လေးတွေကို စိတ်ရှည်လက်ရှည် ရှာဖွေပေးတဲ့ MTZO နဲ့ အာရှရဲ့ ဟိုတယ်လေးတွေ အကြောင်းကို ပြောပြခဲ့ဖူးတဲ့ သက်ပိုင်သူ ကို တော့ အထူးတင်ပါရဲ့နော်…..။

_x_x_x_x_x_x_x_x_x_x_x_x_x_x_x_

Reference:
- http://en.wikipedia.org/wiki/Zayat
- http://en.wikipedia.org/wiki/Pavilion_%28structure%29
- http://en.wikipedia.org/wiki/Chinese_pavilion
- http/:/en.wikipedia.org/wiki/Sala_Thai
- Image form hppt://google.com & http://www.flickr.com

_x_x_x_x_x_x_x_x_x_x_x_x_x_x_x_

စကားချပ် - ၂ - ။ ။ အာရှတိုက်ရဲ့ ကျွန်းသေးသေးလေးတစ်ခုကို ရောက်ခဲ့တာ နှစ် နှစ် ပြည့်ခဲ့ပြီ။ ကိုယ့်ကိုယ်ကို ဆန်းစစ်ဖို့ အချိန်တစ်ချို့ယူပြီး အမှတ်တရ တစ်ခုခု ရေးဖို့ စဉ်းစားခဲ့ဖူးသည်။ တိုက်ဆိုင်မှုဟုပဲ ဆိုရမည်လား၊ အပြောင်းအလဲဟုပဲ ဆိုရမည်လား။ ဒီလိုအချိန်ဆို ပုံမှန်ထက် အချိန်တွေ အကုန်မြန်လွန်းသည်။ ကုန်လွန်ခဲ့သော အချိန်တို့ကို ဆန်းစစ်ဖို့ရာထက် မနက်ဖန်များစွာအတွက် လိုအပ်ချက်တွေကို တွေးတောဖို့က တွန်းအားများသာ ဖြစ်နေတတ်သည်။ ဒုတိယမြောက် 15 August သည်လည်း မနေ့ တစ်နေ့ကလိုပဲ ကုန်ဆုံးသွားဦးမည် ထင်သည်။ ဘာကိုမှ ထူးထူးထွေထွေ မတွေးနိုင်ခဲ့သလို အမှတ်တရသည်လည်း မမှတ်သားနိုင်ခဲ့။ လွန်ခဲ့သော နိုဝင်ဘာ/ဒီဇင်ဘာခန့်က တွေးလိုက် ရေးလိုက်နှင့် ထားခဲ့မိသော အတွေးအက်ဆေးတစ်ခုကိုသာ 15 August တွင် အမှတ်တရအဖြစ် တင်လိုက်မိသည်။

_x_x_x_x_x_x_x_x_x_x_x_x_x_x_x_

စကားချပ် - ၃ - ။ ။ အိမ် မဟုတ်တဲ့ အိမ်လေးတွေ အကြောင်း ကျွန်တော် အများကြီး မသိပါဖူး။ ခံစားမိသလောက် နားလည်မိတာလေး အနည်းငယ်ကို အပိုင်းအစလေးတစ်ခုအဖြစ် မှတ်သားမိရုံတင်ပါ။ လိုအပ်ချက်တွေ၊ မှားယွင်းမှုတွေများ ပါခဲ့မယ်ဆိုရင်တော့ စိတ်မကောင်း ဖြစ်ရုံပါပဲ။

_x_x_x_x_x_x_x_x_x_x_x_x_x_x_x_

1 comment:

ချော(အစိမ်းရောင်လွင်ပြင်) said...

နားနေဆောင်လို့ခ်ါတဲ့ ဇရပ်လေးတွေဟာ မြန်မာ့ယဉ်ကျေးမှုကိုဖော်ညွှန်းနေတဲ့ ပြယုဒ်တစ်ခုလို့ မြင်မိပါတယ်။
ေ၇ှးကတည်းက တည်ရှိလာတဲ့ မြန်မာဆန်ဆန် အဆောက်အဦလေးတွေဟာ ခုခေတ်မှာ ရှားပါ်းလာပြီ
တစ်ချို့ဆို ပျက်စီးကုန်ပြီ နှမြောဖို့ကောင်းတယ်
မြန်မာမှုလက်ရာလေးတွေ ထိန်းသိမ်းသင့်တယ်နော်