21 January 2012

အိမ် မပြန်ဖြစ်တဲ့ နှစ်ကူးရာသီ

အိမ် - ၁
ငယ်ဘ၀က
ကြယ်တွေ
နတ်သမီး ပုံပြင်လို။
-၂၂ အောက်တိုဘာ ၂၀၁၁-

အိမ် - ၂
ရိုးရှင်းတဲ့ သမိုင်း
ခြားနားတဲ့ ပုံပြင်
လူတိုင်း ပိုင်ဆိုင်စေခဲ့။
-စက်တင်ဘာ ၂၀၁၁-


အိမ် - ၃
အနီးဆုံးကနေ
အဝေးကြီးကို
လှမ်းကြည့်ခဲ့ဖူးတယ်
အဝေးကြီးကနေ
အနီးခဲ့ဆုံးကို
မှန်းကြည့်တတ်စေတယ်
အဝေးမှုန် အနီးကန်းသမားတွေရဲ့
တေးသွားတွေ ပိုင်စိုးတယ်။
-စက်တင်ဘာ ၂၀၁၁-

အိမ် - ၄
မျှော်လင့်ချက်တွေများတယ်
စမ်းသပ်မှုတွေများတယ်
စိတ်ထင်ရာမစိုင်းပေမယ့်
လေသင့်ရာရွှေ့တဲ့ တိမ်လှိုင်းတွေလို
ဝေးဝေးပြေး မြင့်မြင့်ပျံ
ကမ်းခြေကို ပြန်မရောက်နိုင်ခဲ့။
-စက်တင်ဘာ ၂၀၁၁-

အိမ် - ၅
လွမ်း မနေပါဖူး
သတိလည်း မရဖူး
ခံစားချက်လည်း မရှိဖူး
"အိမ်" လည်း မဟုတ်ဖူး။

အိမ် - ၆
ကြယ်တွေလိုလည်း မကြွေဆင်းခဲ့
ကြယ်တွေလိုလည်း မပျောက်ဆုံးခဲ့
ကြယ်တွေလိုပဲ နီးမလာခဲ့။
လွတ်လပ်ခြင်းတွေ အထဲမှာရှိရက်နဲ့
ငါက
အပြင်ဘက်မှာ လိုက်ရှာနေခဲ့။
-၂၆ အောက်တိုဘာ ၂၀၁၁-

အိမ် - ၇
ကန့်သတ်မဲ့ မျှော်လင့်ချက်နဲ့
ဝေးဝေးပြေးနေတဲ့ ခြေနှစ်ချောင်း။
ကန့်သတ်မဲ့ ယုံကြည်ချက်နဲ့
လှမ်းလို့ကြိုမယ့် လက်နှစ်ဖက်။
အချိန်တွေကပဲ
ကန့်သတ်ဖို့ လိုနေခဲ့။

အိမ် - ၈
ပျောက်ဆုံးသွားတဲ့ အသံတွေနဲ့
မရပ်မနား ပဲ့တင်သံတွေ။

အိမ် - ၉
တစ်ခြမ်းပဲ့
လမင်းကို ကြည့်ရင်း
ကျန်တဲ့တစ်ခြမ်း ရှိမှန်းသိရက်နဲ့
ရူးမိုက်စွာ တောင့်တနေမိခဲ့။
-၁၁ နိုဝင်ဘာ ၂၀၁၁-

အိမ် - ၁၀
စိတ် အဆာပြေ စကားလုံးတွေနဲ့
ကိုယ့်ကိုယ်ကို ထောင်ဖမ်း
မုဆိုးလည်း ကိုယ်
သားကောင်လည်း ကိုယ်။
-၁၅ နိုဝင်ဘာ ၂၀၁၁-

ငယ်ဘ၀က
ကြယ်တွေ
ဝေးဝေးမှာ
ကျန်ရစ်ခဲ့တဲ့အခါ....။
-ဂျွန်မိုးအိမ်-
21 January 2012


2 comments:

မိုးခါး said...

ငယ်ဘ၀ကကြယ်တွေ တပတ်ပြန်လည်ပြီး တွေ့ချိန်တော့ ရောက်လာမှာပေါ့ ..း)

ဂျွန်မိုးအိမ် said...

မဖြစ်နိုင်ဖူး သိရက်နဲ့ မျှော်လင့်တယ် :)